أصول الصعايدة مش عرب
حقيقة علمية ثابتة في علم الجينات: الشعب المصري ما زال من أكثر الشعوب نقاءاً و فوق ال90% من المصريين المعاصرين هم أحفاد بُناة الحضارة المصرية..
و لكن ما زالت الاسطورة الأكثر انتشاراً بين الصعايدة هي ان اصولهم من الجزيرة العربية و صعايدة كتير بيتباهوا بنسبهم العربي. ايه مدى حقيقة أنساب الصعيد؟ و هل فعلاً أصولهم ترجع للجزيرة العربية؟
العِلم المعاصر نفى الاسطورة دي و كل الأبحاث الجينية اللي تم اجراءها على الصعيد من التمانينات حتى اليوم أظهرت ان الغالبية العُظمى مصريين أصليين أحفاد اللي
سكنوا الأرض دي من آلاف السنين لدرجة ان بعض القرى تحاليلها وصلت ل100% أصل مصري.
طلما العلم نفى عروبة الصعايدة و ملامحهم أصلاً مختلفة تماماً عن عرب الخليج، منين جت أنسابهم العربية المزعومة؟
من بداية عصر الدولة الأُموية و المصريين بيتعاموا على أنهم درجة تانية حتى اللي أسلم منهم.
الحال ضاق جداً بالمصريين لدرجة ان الجزية اتفرضت على المصريين اللي أسلموا فا اخترعوا حاجة اسمها "شراء الأنساب".
يعني ايه شراء الأنساب؟ ببساطة المصري بيدفع رشوة لقبيلة عربية عشان يروحوا للقاضي و يشهدوا ان فلان المصري دي عربي من قبيلتهم و بيتكتب له ورقة انتساب.
الموضوع استمر فترة طويلة و محدش أخد باله لكن مع الوقت القُضاة عرفوا اللعبة و في مرة أحد المصريين و هو رايح يشتري نسب عربي القاضي رفض و راح مقطع ورقة الانتساب و قاله "انتم عجماً و لستم عرب" و باقي قُضاة مصر عملوا زيه و اتمنع شراء الأنساب تماماً.
القبايل العربية فرحت بالخبر دة لأنهم كانوا شايفين العرب أفضل من العجم في كل شئ و ان العروبة نسب شريف و باقي شعوب الأرض نسب وضيع..
احتفالاً بقرار منع شراء الأنساب بعض الشعراء ألفوا قصايد في ذم و شتم المصريين، زي الشاعر مُعلي الطائي اللي قال :
"يا بني البظراء موتوا كمدًا..
و اسخنوا عينًا بتخريق السجل.. لو أراد الله أن يجعلكم من بني العباس طرًّا لفعل.. لكن الرحمن قد صيركم قبط مصر و من القبط سفل.. كيف يا قبط تكونوا عربًا و مريس أصلكم شر الجيل".
يعني بيقول على المصريين انهم أشر نسب و أقل من العباسيين العرب.
و كلمة "يا بني البظراء" معناها الست اللي عرفت رجالة كتير…
تصرفات العرب تجاه المصريين أدت لثورات مصرية كتيرة زي ثورة البشموريين اللي انتهت بقىتل الخليفة المأمون 100,000 مصري..
لما زادت العنصرية العربية ضد المصريين بدأنا نشتري أنساب عربية و لما اتمنعت بعض المصريين عرفوا يحافظوا
على نسبهم العربي و هما دول اللي أحفادهم فاكرين اصولهم من قبايل الجزيرة العربية.
الصعايدة حافظوا على عادات مصرية قديمة كتير اندثرت في الشمال بعد التمدن في العصر الحديث من أشهرها الجلابية المصرية و رياضة التحطيب اللي منقوشة على معابد اجدادنا..
من الظلم اننا ننسب نفسنا لناس شايفينا بشر درجة تانية و لحد النهاردة بيوصفونا بالموالي.. يعني العبىد الغير عربي التابع لسيده العربي.
#منقول عن صفحة مصر ليست عربية