الحلقه اللي فاتت خلصت
لما كان البدري هو ودبور رايحيين للعربي
وفتح البدري الباب
ويقابله العربي وهو ماسك البندقيه بتاعته
والبدري يفتح عنيه والعربي عنيه بتطق شرار...
....................
البدري يشوف العربي جاي بعصبيته وناوى علي الشر...
والعربي يتفاجئ بشكل البدرى ومظهره الجديد....
العربي واقف علي الباب من بره والبدرى واقف قدامه وجمبه دبور
العربي.....
باه يابدرى...
غيرت خلقاتك ولبست خواجاتي
البدرى...يقاطع...
طب قوول سلامو عليكم ياعربي...
العربي..
لا سلام ولا كلام يابدرى...
انا مش جاي اضايف...
البدري...
وجاي ليه يا عربي...
العربي...يبص للبدري في عنيه...
ويقوله...
من خمس سنين فاتو يا بدرى وانت عتضحك علينا وعلي هوارة أنك قتلت وردة وغسلت عارك...
البدري يقاطعه...ويعلي صوته
ومين قالك ياعربي
أني قتلت وردة اختي...
أني قلت كده...
الحديت دة طلع من حنكي...
ولا أنتو اللي عتكدبو الكدبه وتصدقوها...
ولا علوان... علوان البكري اللي قالكم اكده ياعربي...عشان يخلص مني والجو يخلالو ويحكم هوارة...
العربي يقاطعه....بعصبيه...
أحنا مش في علوان دلقيت يابدرى
احنا فيك انت...
احنا في اللي كان هيكون كبيرنا...
امعاود هوارة ولابس خواجاتي...
ومش بس اكده... لااااه
امعاود وامعاه خيته اللي بدل ما يكون شايلها علي يده وياخد عزاها....
امعاودلنا ويده في يدها وعايزنا ننسي اللي حصل....
البدري...
وايه اللي حصل ياعربي...
ايه المصيبه والعار اللي عملته اختي ورده...
الشيخ بدار الله يرحمه...
هو اللي جوز ورده علي سنة الله ورسوله..
كيف شرع ربنا ما قال...
ايه الغلط والعار في اكده ياعربي.
العربي لسه بعصبيته...
العار في اكده يابدرى ان بت من بناتنا تعشق....
لا وايه تعشق غريب كمان....
البدري يقاطعه...
اوعي لحديتك ياعربي....
اوعي لروحك و لسانك عيقول ايه ياعربي....
أنا ورده اختي مغلطتش...
ولا عملت عمله تغضب بيها ربنا...
العربي يقاطعه...
مانت لازم اتقول اكده يا بدري.
طلعت من جلدك وابقيت خواجاتي وبقيت زيهم وانسيت عوايدنا...
ويمسك العربي البندقيه ويمد ايده للبدري.... ويقوله...
بص يا بدري...
تاخد البندقيه دي من يدى وتنهي الحكايه دي...
يا اما....
البدري يقاطعه...
يا إما ايه يا عربي
العربي
يا اما هيكون فيه حديت تاني بيناتنا.....
البدري...بعصبيه..
أنت اتجنيت اف عقلك اياك ياعربي.
عايزني اخد البندقية منيك واقتل بيها أنسانه بريئه ملهاش اي ذنب...
العربي...
متقولشي بريئه يابدري...
البدري يقااطعه...
لاااه بريئه ياعربي...وستين بريئه كمان...
العربي....
أفهم من أكده انك معتنفذشي اللي عقولك عليه يابدري...
البدري...
لاه يا عربي...معنفذشي حاجه تغضب ربنا بحجة عاويدنا وجهلنا ياعربي....
وهنا دبور يتدخل ....
دبور...
كفاياكم عاد...
كفاياكم يا واد العم انت وهو
كفاياكم عتلمو علينا الخلق...
البدرى...
أنت مواعيشي يا دبور العربي رايد مني ايه...
دبور....
وأنت كمان ياعربي...نزل اسلاحك ده وتعالي ندخل الدار ونتفاهمو...
العربي...
لااه يادبور...لاه...معدخلشي واصل...
ويبص العربي في عين البدرى بتحدي...ويقول...
وهواره ليها كبير يترد عليه....
سلام...
ويمشي العربي وهو متعصب ويجري وراه دبور...وينادي
ياعربي....ياعربي....
ويدخل البدري لجوة والكل واقف علي اعصابه...
حاتم وورده...ونورا اللي كانت واقفه مرعوبه جوة من صوت الخناق واول ما البدري يدخل يقابله حاتم...
حاتم....
أنا اسف يا بدري بيه...
انا السبب في كل اللي بيحصلكم ده.....
البدري....يبص للدكتور حاتم ويتنهد.....ويقول...
لاه يادكتور حاتم لاه...انت ملكش صالح ولا ليك ذنب....
دى عوايدنا يا دكتور...
عوايدنا اللي ورثناها عن جدودنا
واللي المفروض تتغير مع الزمن...
لكن هي لابده فينا معتتغيرش واصل....
حاتم...
طيب وايه الحل....
هتعمل ايه يابدرى بيه...
البدري....
اللي عيعملو ربنا عيكون يا دكتور حاتم...
اللي عيعملو ربنا عيكون.
.....................
فكرة وتأليف حماده فاروق هاشم
للابلاغ عن السرقه 01155012055
.......................
المشهد....دبور ماشي مع العربي علي طريق ذراعي وفيه ترعه جمبهم....
ودبور بيحاول يرجع العربي عن اللي هو فيه...
دبور....
عربي يا واد عمي....
عربي ياواد عمي اخذي الشيطان...
اخذي الشيطان واللي حوصل حوصل عاد...
العربي....يقف ويبص لدبور ويرد بعصبيه...
باه يادبور...اللي حوصل حوصل...
كأنك راضي عاللي عيقوله البدري اياك يا دبور...
لادد عليك حديته اياك...
دبور...
مهو ياعربي الحق حق الله معملوش حاجه عفشه ولا حرام ياعربي...
العربي بتعصب اكتر...
باه يادبور..حديتك ده عيجنني اكتر من منا متجنن...
دبور...
طب وعتعمل ايه يا عربي ووين رايح يا واد عمي....
العربي....
رايح لكبيرنا...
كبير هواره يا دبور...
دبور....
بااه تقصد علوان ياعربي...
العربي...
وهو عندينا كبير غيره يا دبور...
ويمشي العربي بسرعه ويمد في المشي...
ودبور واقف كأنه بيستوعب الكلام اللي قاله العربي وبعد ما العربي يبعد عنه شويه يجري وراه دبور....
ياعربي....ياعربي.....
......................
المشهد...نقطة شرطة هواره...
الضابط عصام قاعد علي المكتب والصول نفادى واقف قدامه ومن الكلام باين انه بيحكيلو علي اللي حصل بعد ما مشي من النقطه ورجع اسكندريه....
الضابط عصام...
ياااه يا نفادى كل ده حصل في الخمس سنين اللي بعدتهم عنكم...
طيب وعلوان...عامل ايه دلوقت...
نفادى...
اهو...بقي ياذين ياباشا....
ذي القطط بسبع ترواح...
وفي اللحظه بدى يدخل الغفير ويكلم الصول نفادي بصوت مش مسموع....ويخرج...
الضابط عصام يبص للصول نفادى اللي باين علي وشه التغير بعد ما سمع الخبر....
الضابط عصام...
فيه ايه يانفادي...
العسكري ده قالك ايه خلاك مش علي بعضك كده...
الصول نفادي بارتباك...
مفيش...مفيش ياعصام بيه...
دى حكايه كده قبل ما سعادتك تيجي وهتتحل باذن الله...
الضابط عصام يقوم من علي الكرسي...ويقول...
حكايه...حكاية ايه يا نفادي....
ماتقول....
نفادي...بارتباك....
المطاريد....المطاريد يابيه....
الضابط عصام باندهاش....
مطاريد....مطاريد ايه يا نفادي...
هم خلاص مش قبضنا عليهم وخلصنا الناس من شرورهم...
ويقرب الضابط عصام من الصول نفادي...ويقول...
اوعي تقولي هربو من السجن هم كمان يا نفادي....
نفادى...
لاااه لا يا عصام بيه مهربوش...
عيهربو كيف...دول في سجن البندر....وسجن البندر واعر قوي...امسلح...معيقدروش يهربو منه واصل....
الضابط عصام...
امال ايه يانفادي...
جم منين المطاريد دول....
نفادي....
هم المطاريد دول يا سعادة البيه مش سبق وقولتلك انهم ليهم أهل...
إو ليهم عيال...
اهو عيالهم دول يا عصام بيه اكبار مش صغيرين....
ولما وعيو عاللي حوصل طلعو الجبل وحالفين لياخدو بتارهم من الحكومه يابيه....
الضابط عصام...
ياخدو بتارهم من مين...
هي الناس دى ايه...
فاكرين نفسهم في غابه...
هو مفيش قانون في البلد ولا ايه...
ويبص الضابط عصام لنفادى...
والمطاريد دول عايزين ايه...
العسكري اللي دخل ده قالك ايه...
نفادي....
اااااااا المطاريد يابيه مسكو الغفير مصيلحي وضربوة واخدو من اسلاحه وفايتنلك ارساله امعاه....
الضابط عصام....
كمان...ووصلت جرأتهم للتعدى علي النقطه كمان..
وهو فين مصيلحي ده...
نفادى...
بره....بره ياعصام بيه....
الضابط عصام...
دخلهولي يا نفادي...
دخلهولي فورا...
نفادي...
امرك....امرك يابيه...
ويجري الصول نفادي ويجيب الغفير مصيلحي اللي داخل سايح في دمه ومتبهدل ويقف قدام الضابط عصام....
الضابط عصام....
اتكلم يا مصيلحي...قول عملو فيك كده ليه وقالولك ايه....
مصيلحي...
اتهجمو علي يابيه واني في الخدمه اوضربوني اوسيحو دمي اوسرقو سلاحي يابيه....
وقالولي...قول للبيه ابتاعك....
حمدالله عالسلامه...
وابو دبيكي عيرحب بيك...
الضابط عصام...
ابو دبيكي...ويبص للصول نفادي اللي بيبص في الارض ومرتبك....
ويقوله....
مين ابو دبيكي ده كمان يا نفادي....
نفادي...
ااااا ده يا عصام بيه...واد ابو دبيكي الكبير...اللي سعادتك قتلته...
ووصل له خبرك انك رجعت النقطه تاني....
ويقرب الصول نفادي من الضابط عصام ويقوله...
ياعصام بيه...هملنا....
هملنا وعاود مطرح ما كوت....
خااف علي روحك يابيه....
الضابط عصام....
انت اتجننت يا نفادي...
ايه اللي انت بتقوله ده...
يعني ايه اخاف علي روحي واسيب شوية مطاريد بلطجيه يتحكمو فيك وفيا وفي الناس الغلابه دي...
البلد دى فيها قانون...
واللي زى دول مكانهم السجن...
وانا بقي اللي هقفلهم....
......................
فكرة وتأليف حماده فاروق هاشم
للابلاغ عن السرقه 01155012055
.........................
المشهد....بيت علوان...
علوان بدأ يتحسن ونازل علي السلم ومعاه عكازه ونعمه نازله وراه بتسنده....
علوان....
همليني عاااد يانعمه....
همليني انا بقيت امليح يابت الناس....
نعمه....
انت بس لو تريحني وتقولي رايح وين ياعلوان وانت بحالتك دي...
علوان....
قولتك مصلحه...
مصلحه عخلصها وامعاود علطول يانعمه.....
وينزلو في الدوار من تحت وفي اللحظه دي الباب يخبط وتجري نعمه تفتح الباب...وتلقي العربي....
نعمه...
العربي...اخوي...
خوش...خوش ياعربي....
العربي يدخل ويلاقي علوان واقف في نص الدار وماسك عكازة....
العربي...
حمدالله علي سلامتك ياعلوان...
انت ابقيت زين اهه....
علوان....
الله يسلمك يا عربي....تعالي
تعالي اقعد...
ويقعد علوان علي الكنبه ويقعد العربي ومعاه البندقيه...
علوان بيبص للعربي وبيبص للبندقيه ومستغرب...
علوان...
اييبه ياعربي...مالك اكده عليك غضب ربنا....
وايه البندقيه اللي بيدك دى....
علوان يبص لنعمه اللي واقفه بتتابع في قلق ويطلب منها تعمل شاي...
علوان يبص تاني للعربي ويقوله...
ايييه الحكايه ياعربي...مالك...
العربي....
انت معرفتش ان البدري عاود وامعاه ورده وجوزها كمان...
علوان يتفاجئ...
بااه عاود...وليه عين الواد ده يعاود بعد اللي عملو...
العربي...
احنا مش في الحديت ده دلقيت ياعلوان...
علوان...
بااه وانت جايلي ليه ياعربي عاد...
عايزني اعملك ايه يعني...
العربي....
مش انت كبيرنا يا علوان...
ولا ايه...
علوان يبص للعربي ويفرح بكلامه انه خلاص العربي اعترف بيه كبير هواره....
علوان....
ااااا إيوه...ايوة يا عربي...
قولي عاد...انت عملت ايه...
قابلت البدري...
العربي....
ايوة...قابلته......قابلته يا علوان واتحددت امعاه...
وقولتله يا اما يرفع راسنا...
يا اما هيبقي فيه كلام تاني...
علوان...
يقعد للحظه ويسرح مع نفسه وبيفكر....
والعربي يقطع تفكيره...
هااااه يعلوان...قولي عنعمل ايه دلقيت....
علوان...
بص يا عربي...احنا هنجمع هواره...
وفي العشيه نشيعو للبدري...
ويا اما يوافق علي كلامنا...
يا اما ملهوش بكان بيناتنا...
ويهملنا ويهمل هواره ويعاود موطرح ما كان....
وينسي انه من هواره من اصله وميعاودشي اهنه تاني واصل لحد ما ربنا ياخد اجله الواد ده....
العربي...
زين يا علوان...زين الحديت ده...
وفي اللحظه دى يدخل دبور ويلاقي علوان والعربي قاعدين....
دبور...
انت اهنه ياعربي...
اني قولت اكده برضك...
علوان....
اييبه يادبور...
داخل اكده لا سلام ولا كلام...
خبر ايه يا دبور....
دبور...وكانه لسه واخد باله من علوان وهو قاعد...
دبور...بااه علوان..متأخذنيش
يا واد عمي... حمدالله علي سلامتك....
علوان... خلاص عاد...
خد يا دبور....
دبور....
ايه.... ايه يا علوان... خير...
علوان... يمسك دبور من كتفه بعد ما قرب ليه.... ويقوله...
بص يا دبور... عاوزك تعدي علي كوبراة هوارة نفر نفر وتقولهم علوان ابو البكري عاوزكم في دوارة في العشيه....
ماشي يا دبور... نفر... نفر...
دبور...
بااه خير يا علوان...
علوان...
اعمل اللي عقولك عليه با دبور وفي العشيه عتعرف...
دبور...
طيب.... طيب يا واد عمي....
.....................
فكرة وتأليف حماده فاروق هاشم
للابلاغ عن السرقه 01155012055
...........................
المشهد في... المصيف... صلاح وبثينه....
صلاح قاعد في الشاليه قدام حمام السباحه وماسك الجرنال وبيقرأ...
وبثينه جمب منه....
صلاح...
شوفتي يابثينه الخبر ده...
طالبين مهندس يصمم ناطحة سحاب وعلي من تتوافر فيه الشروط يتم التقديم عبر البريد علي العنوان التالي...
بثينه ترد...بسخريه.
وهل الشروط دي باش مهندس ياصلاح بتتوافر فيك....
صلاح...ايه يا بثينه...ايه يا بثينه...
انتي لسه بتشكي في قدراتي يا بوس بوس....
بثينه....
ازاااي وده معقول...معقول يا باش مهندس صلاح...دانت مدييييير مجموعة فاروق بيه علي سن ورمح
وده كلام برضو...
ناطحة سحاب ايه دى اللي تقف قدام قدراتك المهوووله...
صلاح بيتابع بثينه وتعابير وشه بتأكد ان بثينه بتتريق عليه....
صلاح يرد...
ماشي يا بوس بوس ماشي
مسيرك في يوم من الايام تفتخري كده وتتفشخري باللي واقف قدامك ده....اااا اقصد باللي نايم قدامك ده.....
بثينه...طب قوم...قوم يا صلاح خلينا نشوف اللي ورانا...
انت ناسي اننا راجعين اسكندريه النهارده....قوم...قوم ياصلاح....
بثينه تقوم وتتمشي ناحية باب الشاليه وصلاح لسه نايم مكانه ومش عاجبه كلام بثينه اللي بتبص وراها وتلاقي صلاح لسه نايم ومجاش وراها...
ترجع بثينه تاني لصلاح من وراه وتقرب وتزعق فيه....
صلاااااااح...
يقوم صلاح مفزوووع ويرد...
اااااا ايه يا بثينه ايه يا بثينه قولتلك مليون مره متزعقليش كده با بوس بوس يا حبيبتي...
وتسيبو بثينه وتمشي وصلاح يمشي وراها.....
........................
المؤلف حماده فاروق هاشم
01155012055
........................
المشهد...اسكندريه....بيت الحاج حسين....
الحج حسين قاعد ومعاه الحجه وقاعدين وجرس الباب يرن وتنده ام نورا علي الشغاله تفتح الباب...
يدخل المعلم حسني ابو دبيكي....
حسني....
سلامو عليكو ياحج...
سلامو عليكو يا حجه...
الاتنين في نفس واحد...
وعليكم السلام ورحمه الله وبركاته.
الحج حسين...
هااا يا حسني...ايه الاخبار طمنا...
سبع ولا ضبع...
حسني...
برضك اكده يا حج...سبع...
سبع يا حاج...
الحج حسين...
طيب ياعم السبع طمنا...
حسني...
انا شيعت يا حج لواد عمي ابو دبيكي الصغير...ووصيتو حج يجبلنا الاخبار اول باول....
واتصل بيا علي تليفون المكتب وطمنا ان البدري ونورا وكلهم وصلو بالسلامه وهم دلقيت في بيت الشيخ بدار...
ووصيته لو في اي خبر يبلغنا علطول...
الحج حسين...
الحمد لله....ويبص للحجه...سمعتي يا حجه اطمنتي...اهم بخير...
الحجه...
الحمد لله...الحمد لله يا حج...
طيب اقعد...اقعد يا معلم حسني واقف ليه....
حسني....
لاه انا بس الخبر وصلني وقولت افوت عليكم اطمنكم واعاود طوالي
انا من صباحيه ربنا وانا عم ارمح رمح في المينا وعايز اريح جتتي لحسن خلااااااص معودتش قادر....
الحج حسين....بضحك...
معودتش قادر ايه يا راجل انت انت خلاص العضمه كبرت علي الجري...
انت تشوفلك شاب صغير كده بتثق فيه وتخليه يشيل الشغل معاك...
حسني...
واااه يا حج..انت عتقول فيها عاد والله اني عاوز افتح معاك الحديت ده ومستحي منيك....
الحج حسين...
مستحي...لا متستحيش يا حسني...
انت بس شوف حد كده قريب منك وعلي بركة الله....
حسني....
فيه يا حج فيه ان شاء الله....
استأذن انا سلامو عليكم....
يردو عليه السلام ويطلع الحج حسني.....
........................
المشهد....هوارة...بيت الشيخ بدار.
البدرى ونورا وحاتم وورده قاعدين ياكلو وكان الليل دخل عليهم....
الباب يخبط وتطلع بنت شابه جايباها الخاله لبيبه تشتغل في الدار...
تفتح الباب ودبور واقف علي الباب ويسال علي البدري...
البدرى يسمع صوته ويقوم من علي الاكل ويقابل دبور علي الباب....
البدري...
تعالي يا دبور...تعالي كلك لقمه معانا تعالي....
دبور...
بالهنا والشفا يا واد عمي....
انا بس جاي ابلغك بكلمتين ومعاود...
البدري....
كلمتين....كلمتين ايه دول...
دبور...
علوان......علوان عايزك الليله في دواره وهواره هتكون كلها هناك....
البدري...
وعايز مني ايه علوان ده عاد....
دبور...
مخابرشي يا واد عمي...
مخابرشي.....
انا جيت اقولك يابدري والعربي كمان هيكون اهناك....
البدري...
العربي....اااااااه ياعربي...
روحت لعلوان يا عربي......
طيب يا علوان...
طييييب....
نهاية الحلقه....
بتمني منكم بقي تعملو مشاركه للحلقه علي صفحاتكم عاوز اشوف عدد المشاركات قد عدد اللايكات....
شجعوني علشان استعجلكم في الحلقه السابعه....
الناس الصامته تقرا وتجري شكرا ليكم... 💔
