قصة يرويها شاب حدثة معه بنفسه كالاتي
كنت سهران بالليل مع صحابي وراجع متأخر لقيته بيجري متلهّف لحقته على آخر لحظة كان هيخبط في الحيط .. (لأنه ضرير)
_رايح فين يا عم عبد الغني في الوقت دا ؟!
=الفجر صلاة الفجر فاتت !
_فجر ايه يا عم عبد الغني دا لسه الساعة واحدة ونص ..
=والله يا ولدي انا زي اللي سمعت قرآن الفجر وبعد كدا بطل قولت يبقى الفجر أذن وصلُّوه ..
_لا لسه بدري تعالى هروّحك ولما يأذن ابقى تعالى ..
=لااااا هتروح عليا نومة خليني هنا قدام الجامع ..
_طب تعالى حتى اقعد ع الدكة الوقت طويل بدل قعدتك في الأرض ..
أخدته ساعتها وقعدته ع الدكة .. وروّحت البيت ، بعديها بنص ساعة ولا ساعة طلعت لقيته قاعد قدام الجامع خايف لحسن حد ينساه أو ما ياخدش باله منه ..
"من المؤمنين رجالٌ صدقوا ما عاهدوا الله عليه ، فمنهم من قضى نحبَهُ ومنهم من ينتظر وما بدّلوا تبديلاً .."
اللهم إني أشهدك أنه كان من أحب الناس إلىّ وأقربهم إلى قلبي ، اللهم اغفر له واعف عنه وارحمه رحمة تليق بجلالك ..
تعليقات
إرسال تعليق