في البداية أي زميل معاه بطاقه ضريبيه لازم يقدم الإقرار حتي لو كان في فتره الاعفاء اللي هي خمس سنوات / سنتين جدول عام وثلاثة ابتدائي - مشتغل غير مشتغل لازم تقدم / إدارات قانونيه لازم تقدم / محامي شركات لازم تقدم.ولازم يكون معاك اميل ياهو / هوتميل / او جميل (( ولازم تكتبه في ورقه وتحتفظ بيهم )
ولازم يكون معاك فيزا للدفع كارت او كاش متستعملش فيزا ميزا بسحب الفلوس ومش بتمم العملية
ولازم كمان يكون متصفح جوجل كروم او فايرفوكس اخر اصدار عشان تعرف تكمل الإجراءات وده متوفر فقط للنسخة سفن
تدخل علي البوابة الإلكترونية للخدمات الضريبية اضغط هنا
وتتبع الخطوات الأتية
التسجيل كممول جديد
وهيطلب منك تملي البيانات
رقم التسجيل الضريبي وده بيكون موجود في ضهر البطاقه الضريبيه اللي هو جنب تاريخ عمل البطاقه الضريبيه وانتهائها
الرقم السري او رمز الدخول (( وخد بالك لازم يكون اول حرف كبتل وليس صمول )) والرمز لا يقل عن 8
( ومتنساش تكتب اميل الضرايب في ورقه خارجيه وتحتفظ بيها )))
بعد كده هيدخلك علي صفحه اخري وهتملي شويه بيانات الاسم رباعي - رقم التليفون - العنوان - العنوان مره اخري رقم البطاقه - رقم الفاكس هتكتب اي ارقام 531543543 - وفي خانه الاميل الياهو / الهوتميل / الجوميل اللي اتكلمنا عنها ((( وخلي بالك الارقام كلها تكتبها بالانجليزي ))) وهتختار شخص طبيعي وليس اعتباري.
بعد كده هي بعتلك رساله علي الياهو / الهوتميل فيها رقم (( رمز )) تنسخ الرمز ده وتلصقه في الخانة المخصص ليه في اميل الضرائب وتضغط موافق تطلعك خانتين الاسم التجاري / هتكتب فلان الفلاني الفلاني المحامي عنوان النشاط / هتكتب عنوان مكتب سيادتك المدون بكارنيه المحاماه او البطاقه الضريبيه هتضغط علي تسجيل
هيقولك تم التسجيل بنجاح وهيعملك خروج من اميل الضرايب
هترجع تاني تكتب اميل الضرايب والباسورد (( بس خد بالك الباسورد اول حرف منه كبتل وليس صمول ))
تم تسجيل الدخول بنجاح وبعدها هيطلب منك تسدد قيمة الاشتراك ، هتضغط عليها وهتظهرلك صفحه تاني بالسداد هتدخل رقم الفيزا - وتاريخ انتهائها - والرقم الثلاثي او الرباعي اللي موجود في ضهر الفيزا ---- ولازم يكون فيها رصيد كافي لاتمام السداد - بعد كده هيبعتلك رساله علي الموبايل المرتبط بفيزا السداد (( الرقم السري المؤقت للفيزا )) هتكتبه وبعد كده بيتم الخصم ومبروك تم السداد بنجااااااااااااااااااااح
ندخل بقي علي اهم حاجه الا وهي كيفيه تقديم الاقرار يظهر لسيادتك خانات تدخل علي خانه (( ضريبه الدخل )) اللي موجوده بين كلمتي (( الرئيسية )) وضريبه القيمة المضافة لعنها الله ستختار ضريبه الدخل ينبثق منها خيارات تضغط علي كلمه (( اقرارات ضريبيه )) ولو مظهرتش معاك كده لم يقبل منك سداد الاشتراك وتحاول معاه تأني بس قبل ما تسدد تاني اعمل خروج من اميل الضرائب وادخل تاني لان الموقع يحتاج تحديث /// ولو ظهرت معاك كلمه اقرارات ضريبيه كده انت سددت واتبع الاتي:
الاقرارات الضريبيه ظهرت معاك - هتختار اول اختيار (( الاقرار 101 ))الخاص بالاشخاص الطبيعي ثم
تختار سنه الاقرار 2020 ولو مقدمتش اقرار 2019 تقدر تختار 2019 ومن ثم اقرار 2020 ثم
هتظهر معاك صفحه الاقرار الضريبى علي صافي دخل الاشخاص الطبيعيين وهتظهرلك خيارات كتير هتختار منها
( ايرادات المهن الغير تجاريه ))) وملكش دعوه باي خيار تاني شغلنا كله بيتم في خانه ايرادات المهن الغير تجاريه بالتتابع
بعد دخولنا علي (( الايرادات المهن الغير تجاريه هتظهر معانا صفحه (( إيرادات المهن غير التجارية-غير المؤيد بحسابات منتظمة )) هتملئ فيها اربع خانات فقط
الخانه الاول :- المهنه هتكتب محامي حر او محاميه حره
الخانه الثانيه :- العنوان / هتكتب فيها العنوان الموجود بالبطاقه الضريبيه او الكارنيه
الخانه الثالثه والرابعه :- موجوده في اول مربعين في الجدول (( (501)إيرادات المهن الحرة و غيرها من المهن غير التجارية )) ودول عباره عن صافي دخل حضرتك عن سنه الاقرار 2020 ودي هتكتبها في الخانه الاولي اللي علي اليمين (( وهتكتب صافي دخلك فيها وخد بالك ان اقل من 15 الف معفي وما زاد عن ذلك هيدفع ضريبه )) والخانه اللي قصادها علي الشمال هتكتب فيها صافي دخلك عن سنه 2019 ولو مش متذكر قدمته بكام السنه الماضيه اكتب اي رقم بس لا تزيد عن 8000 (((( طيب واللي لسه معفي ودول بتوع الخمس سنوات هتكتب في الخانتين دول صفر ))) ولا تملئ غير الخانتين دول بس في الصفحه دي بعدها هتتملي كلها تلقائي وهتضغط علي السهم الاصفر اللي علي الشمال ثمممممممممممممممم
هتظهرلك صفحه إيرادات العقارات المبنية ((( دي ملناش دعوه بيها متكتبش فيها حاجه ))) ثم
صفحه قائمة الإقرار التفصيلية (( دي ملناش دعوه بيها هي كمان متكتبش فيها حاجه ))) ثممممم
صفحه مقدار الضريبة المستحقة : التسوية ( مدين / دائن )
ودي هتعمل فيها حاجتين فقط لا غير
الاولي :- خانه (06) قيمةالمساهمة التكافلية ((( ودي هتحسبها ازاي اقول لسيادتك لو اقرارك بالف جنيه هتكون اتنين جنيه ونصف
لو الفين = خمسه جنيه
لو 3 الاف =سبعه جنيه ونصف
لو 4 الاف= هتكتب 10 جنيهات
وهكذا كل الف كصافي دخل مفروض عليها اتنين جنيه ونصف
وبعد كتابه قيمه المساهمه التكافليه هتدخل علي
الخانه الثانيه ((( الفترات الضريبية المنتهية ))) ودي اهم خطوه حتي يقبل الاقرار
هيظهرلك خيارين هتختار خيار بعد 7 / 5 / 2020 طيب لو اخترت الخيار الاول قبل 7 / 5 / 2020 انسي اقرار لن يتم قبوله
وبعد كده تضغط علي السهم الأصفر اللي علي الشمال وهيدخلك في صفحه تاليه اللي هي ((( الفترة الضريبية ))) هتلاقي فيها بيانات مكتوبه وجاهزه اسم سيادتك والفتره من 1 / 1 / 2020 الي 31 / 12 / 2020 / واسم المموول مكتوب وجاهز / وبالنسه لاسم المحاسب / المكتب التابع له المحاسب ورقم القيد دول ملناش دعوه بيهم وهتضغط علي خانة حفظ الاقرار ثم تضغط ok وهل انت متاكد من ارسال الإقرار تقوله نعم
(((( وبكده تم ارسال الاقرار ولكنه لم يقبل بعد الا بعد سداد المساهمه التكافليه ))
-------------------------------------------------------------------
سداد المساهمه التكافليه بيتم ازاي 1- هتدخل علي خانه (( خدمات )) اللي موجوده جنب كلمه (( حسابي )) (( ضريبه القيمة المضافه )) وهتضغط علي كلمه ((( خدمات الدفع الالكتروني )))) ثم هتضغط علي كلمة ((( اضافه ))) اللي موجوده تحت كلمة بحث - اعادة تعيين - وبعد الضغط هتظهرلك صفحه بعنوان ((( انشاء طلب سداد دخل ))) هتختار كلمة ((( الفترة الضريبية المراد السداد عنها ))) هتختار كلمة 2020 ثم هتظهرلك في الخانه اللي تحتها كلمه (( 101 )) واللي تحتها كلمه المساهمه التكافليه ثم تحتها كلمه ((( قيمة الضريبة المراد سدادها ))) هتكتب فيها قيمه المساهمه التكافليه اللي شرحناها فوق عن كل الف جنيه كدخل صافي اتنين جنيه ونص وفقا لصافي دخلك
2- بعد كده هيدخلك علي صفحه السداد هتحط رقم الفيزا وتاريخ الانتهاء - والتلات او اربع ارقام اللي مكتوبين في ضهر الفيزا )))
وهتجيلك رساله علي الموبايل انه تم السداد ثم
هتجيلك رساله برجاء غلق الفتره الضريبيه ---- متروحش لاغلاق الفتره الضريبيه الا لو كان صافي دخلك اللي انت كاتبه في اقرارك ده اكتر من 15 الف جنيه
وبكده الف مبروك تم قبوووووووووووووول الاقرار الضريبي
ملحوظه :- اي مساهمه تكافليه بتنسدد بيتم اضافت 17 جنيه رسوم خدمه يعني الخمسة تسد د 21 والعشرة 32 جنيه
--------------------------------------------
ومتنساش تكتب اميل الياهو ورقمه السري واميل الضرايب ورقمه السري المكون من 8 احرف وأرقام واول حرف منه كبتل في ورقه وتحتفظ بيها لانك مش هتقدر تقدم اقرارك الضريبي الا لو اتممت الدخول الصحيح وانصحك اكتبهم في اجنده المكتب وانقلها كل سنه للأجندة الحديثة
-----------------------------------------------
ولو عايز تعرف اقراراك ارسل ام لا هتدخل علي خانه (( ضريبه الدخل )) ومن ثم اختار عرض الاقرارات عن سنه 2019 او عن سنه 2020 وتدخل عليه هيتم عرض الاقرار اليي قدمته .
وان مظهرش معاك فكده في خطوة من الخطوات السابقه عملتها غلط وكل اللي هتعمله هتعمل اقرارك مره تانيه بس بعد ما تعمل خروج ثم دخول للصفحه
----------------------------------------------
ولو عايز تعرف المساهمه التكافليه اتقبلت ولا لاء هتدخل علي بند خدمات ثم الدفع الالكتروني وانشاء طلب سداد دخل وتختار سنه الاقرار 2020 فان تم قبول سدادها من قبل هتظهرلك كلمه ((( لقد تم غلق الفترة الضريبية لسنه 2020 ويمكنك تقديم طلب سداد بقيمة بند المساهمة التكافلية عن تلك الفترة علما بان نسبة المساهمة التكافلية هي 2.5 في الألف من إجمالي الايراد ))))
وبكده سيادتك تم قبول اقرارك الضريبي بسداد المطلوب من اشتراك بوابه و مساهمه تكافليه
-------------------------------------
ومتنساش تطبع اقرارك الضريبي وهتطبع بس تلات ورقات الاولي والثالثه والسادسه فقط
-----------------------------------------------------------
وهتطبع بطبيعه الحال سداد المساهمه التكافليه من خانه خدمات الدفع الالكتروني ثم اختار طباعه اخطار
-------------------------------
وهتطبع بطبيعه الحال قيمه السداد الاخري ودي من خانه حسابي ثم اختيار اخطارات السداد الخاصه بالاشتراكات - معاينه الاخطار ثم طباعه
-----------------------------------------
وبكده تم تقديم وقبول وطباعه الاقرار الضريبي
تعليقات
إرسال تعليق