الحكاية أبتدت مع فاطمه ياسر خليل ،عندها 26 سنة من بورسعيد , فاطمه معروف عنها أنها بنت نسمة وهاديه مؤدبه جدآ، أتخطبت من ٣ شهور تحديدًا في شهر 11 الي فات من شخص من نفس المحافظه بس من قرية بعيدة أسمها بحر البقر بمنطقة الجناين , فاطمه من أسره محترمه ومعروف عنهم أنهم ناس غلابة وفحالهم , وبطبيعه حال رمضان والعزومات , فاطمه عزمت خطيبها وأهله أول يومين في رمضان بما أنه أول رمضان يجمعهم ،
فـ أهل خطيبها حبوا يردوا العزومه وعزموهم بالفعل 3 يوم رمضان , بس أبو فاطمه تعثر وأعتذر بسبب شغله ومراحش معاهم , فـ أم فاطمه خدت بنتها وراحوا و الدنيا مشيت طبيعي واليوم خلص , بس هما وماشيين كان الوقت اتأخر فا الأب قالهم مش هينفع تنزلوا دلوقتي مفيش مواصلات خليكم لتاني يوم وأنا هجيلكم عالفطار ونروح مع بعض
وبالفعل الكل أتسحر ودخلوا يناموا , تاني يوم الساعة 8 الصبح بنت أخت خطيب فاطمه عدت عليهم وراحت قعدت معا فاطمه وطلبت منها أنهم ينزلوا مع بعض علشان يتمشوا ويجيبوا شوية حاجات , ونزلوا ولكن بعدها بكام ساعة بنت أخت خطيبها دي رجعت لوحدها وكان شكلها باين عليه التعب, أم فاطمه صحيت بتسأل هي فاطمه فين؟! قالولها نايمه جوه ، دخلت تبص عليها لقيتها نايمه فعلآ عالسرير , عدي وقت والأم ابتدت تقلق وقالت بنتي مبتنامش كل ده وسألت تاني هي فاطمه كل ده نايمه اما ادخل أشوفها , قريبتهم دي منعتها فالأول وقالتلها سبيها عادي , ولكن الأم أصرت
وكانت الصدمه لما دخلت واكتشفت أن الموجود عالسرير ده مش فاطمه ، دول شويه بطاطين ملفوفين ع بعض علي شكل بني أدم نايم , الأم اتوترت وقالت بنتي فين؟ وفضلت تزعق وتدور في كل مكان ونادت علي خطيبها قالتله شوف خطيبتك فين بنتي مستحيل تروح مكان من غير ماتقولي!
فالأم جه في بالها أنها تطلع تبص عالشقه إلي بتتشطب فوقهم وإلي المفروض فاطمه هتتجوز فيها وبالرغم أن خطيبها وقريبته منعوها فالبدايه بس طلعت , وأول مدخلت لقيت بنتها مرميه عالأرض جـ ـثه هامده وكان وشها كله وارم وأسنانها وبوقها كلهم د..م وفيه أثار جـ ـروح في جسمها , والأفجع أنهم لقيوا رقبتها مكـ ـسوره وفيه أشارب ملفوف حوليه!
الأم فضلت تصرخ " بنتي! بنتي عملتوا فيها ايه! " وأبتدي الوضع يتوتر والزعاق يزيد مابينهم وكلهم بينكروا أنهم يعرفوا حاجه وكل ده فاكرينها نايمه! بس بعد مالناس أتلموا أكدوا أنهم شافوها نازله مع البنت قريبه خطيبها , والأم توجهت للمركز وأتهمت خطيبها وأهله رسميًا في محضر رسمي وذكرت فالتحقيقات أن قريبه خطيبها عملت مشاكل مع فاطمه قبل كده وأنها شاكه فيها و إن فيه حاجه بينها وبين خالها الي هو خطيب فاطمه! بس الله أعلم بالحقيقة..
وتم أخطار قوات الأمن , وتم تحرير محضر بالواقعه ووجه مدير أمن بورسعيد بتشكيل فريق بحث جنائي لكشف ملابسات الجـ ـريمه ومعرفه ما حدث لفاطمه الي فقدت حياتها في ظروف غامضه! الواقعة حصلت في ٣ يوم رمضان ولسه لحد الأن النيابة متحفظة علي جثـ ـة فاطمه فالمشرحه وخرج تقرير طب شرعي أولي يفيد بأن فاطمه عذراء ولم يتم المساس بها ده غير أنهم لقيوا متعلقاتها الشخصيه معاها بمسرح الجـ ـريمه يعني مفيش اي شبهة اغـ ـتصا.ب أو سرقة ، وجاري أستكمال التحقيق مع أسره خطيب فاطمه لحد الوقت الي بتشوف فيه البوست ده
راحت تزور أهل خطيبها إلي هما المفروض أهلها التانيين ولكن كان مصيرها مأسـ.ـاوي!