عــاجــل | الإعادة تحسم الموقف في دائرة جرجا والعسيرات

 نواصل نشر ما جري حول جريمة السطو المسلح التي هزّت مدينة سوهاج الجديدة نهاية أغسطس الماضي، والتي نفذها تشكيل عصابي مكوّن من 6 أشخاص وآخرين جارٍ تحديدهم، بعدما أسفرت الواقعة عن مصرع تاجر مصوغات ذهبية وإصابة اثنين آخرين بطلقات نارية، قبل أن يفر الجناة من مسرح الجريمة محملين بـ 14 كيسًا من النقود.

ورغم أن أفراد العصابة اعتقدوا أن ملثّميهم سيمنعون كشف هويتهم، إلا أن يقظة الأجهزة الأمنية وسرعة التحرك وتوسيع دائرة الاشتباه، قادت إلى ضبط عدد من المتهمين والأسلحة النارية المستخدمة، فيما يجري تتبّع باقي أفراد التشكيل.

اعترافات صادمة للمتهم "إسلام بدوي"

أدلى المتهم إسلام بدوي – 29 عامًا – عامل – يقيم بمركز المنشاة باعترافات تفصيلية كشفت خيوطًا جديدة حول الجريمة ودور كل فرد فيها من منفذي الجريمة

قال المتهم في التحقيقات:

"أنا كنت بشتغل في محجر يملكه شقيق المتهم مظهر مالك ، وببات فيه. وقبل الواقعة بحوالي 10 أيام، جاني مظهر كلّمني وقال إن في شخص عنده مبالغ مالية ضخمة داخل مصنع بمدينة سوهاج الجديدة، وإننا هنستولي عليها، وإن صاحب المبالغ مش هيبلّغ الشرطة لأنها فلوس غير مشروعة. في البداية رفضت الموضوع وخفت لكن بعد إلحاح من مظهر وافقت، من غير ما أتخيل إن الموضوع ممكن يوصل للدرجة دي ويتم ازهاق روح

ويضيف:

"ليلة الخميس، قبل الواقعة، سلّمني مظهر سيارة هيونداي نبيتي وطلب مني أقوم بتقييم زجاجها. وبعد ما خلصت رجعت العربية لمطهر وفي صباح الجمعة، يوم الحادث، جه مظهر بالعربية وركبت معاه. طلع بينا ناحية الجبل الغربي، وانضم لينا عبد الله بهنساوي، شقيقه محمد، ومحمد علي اللي كانوا جايين للمكان بتروسبكل بعدها اتحركنا سوا بالعربية  لحد ما وصلنا منطقة الكوامل، وقفنا قرب المصنع شوية، وبعد مكالمة تليفونيه جات لمظهر دخلنا المكان علي الفور"

لحظة اقتحام المصنع

يروي "إسلام":

"أول ما دخلنا المصنع، نزل محمد بهنساوي وكان ماسك عتلة حديد، حصلت مشاجرة بينه وبين الموجودين في المصنع بعدها نزل مظهر وعبد الله بهنساوى ومحمد علي، وكل واحد فيهم كان ماسك بندقية آلية. أنا فضلت في العربية ومتحركتش من مكاني وبعدها سمعت ضرب نار ، نزلت فتحت شنطة عربية مرسيدس كانت موجودة فيها الفلوس، جمعنا 14 كيس نقود وحطيناهم في عربيتنا، وتحركنا بسرعه وسبنا باقي الفلوس في العربية المرسيدس"

ثم يواصل:

"طلعنا علي الجبل وبدأ مظهر في تقسيم الفلوس: عبد الله بهنساوي وشقيقه محمد ومحمد علي خدوا 6 أكياس وركبوا التروسيكل ومشيوا، ومظهر خد الباقي 8 أكياس وقال هيشيلهم بمعرفته. أنا كنت مرعوب ومخضوض ومخدتش حاجه من فلوس ولا كنت عايز حاجه بعد اللي حصل.

نحن نطالب بالقصاص العاجل من الخونة والمجرمين

للاطلاع على التفاصيل القديمة 

https://www.youmakhir.com/2025/09/blog-post_19.html

تعديل المقال