بلاش نتسرع فى احكامنا على اى شخص 😔
⛔ عاجل : براءة الشاب صاحب واقعة خطف اطفال من والدتهم فى التوك توك بالاسكندرية
ادعموه يا جماعة بعد اللي حصل عشان بناته 🥲
الست غلطانه شاورتله ووقف وكان الطريق زحمه وكانت بتتكلم ف التليفون وركبت الاطفال وهو يادوب بيركن علي جمب علشان في عربيه لادا كانت بتزنق عليه عشان الزحمه فكان بيركن علي جمب وهي صوتت وقالت خاطف عيالي واتهمته انه بيتاجر ف الاعضاء والشارع كله ضربه زي ما انتم شايفين في الصور ، وطبعا تليفونه ومحفظته وفلوسه اتسرقوا ساعة الضرب حتي التوك توك اللي بياكل منه عيش اتاخد منه ،
وبعد التحقيقات والتحريات اتضح ان ساكن هناك ومتزوج وعنده بنات وشغال علي توك توك وكان لسه موصل عياله وهو راجع الست شاورتله في نص الطريق ووقفلها وركبت الاطفال وهي مركبتش وهو كان باصص في المرايه عشان في سواق عربيه تانيه بيزعقله انه موقف الشارع فقام مطول بالتوك توك عشان يقف علي جمب ف الست فكرت انه هيمشي ويخطف اولادها وصوتت والناس اتلمت وضربوه جامد وسلموه للقسم
ولما المباحث سمعت اقواله وعملت التحريات وراح النيابه طلع برئ ، بس بعد ما اتشوهت سمعته علي النت قصاد مصر كلها للأسف .
ادعموه عشان خاطر عياله واسرته
هو غلبان اه والناس كلها ظلمته بس ربنا ظهر الحق .