الحمد لله زي ما توقعنا في البوست بتاع أول امبارح بخصوص امكانية اتجاه الأطراف التلاتة لخفض التصعيد بعد السماح لإيران بتوجيه ضربة أخيرة... ترامب من شوية أعلن في تصريحات رسمية عن توصل إيران وإسرائيل لاتفاق وقف إطلاق النار بين إيران وإسرائيل بحسب شبكة BBC..
🟢 الهدنة هتبدأ في خلال 6 ساعات تقريبًا من دلوقتي، بعد ما تنتهي المهمات والعمليات العسكرية الجارية دلوقتي ما بين إيران والكيان... إيران هتوقف اطلاق النار الأول، وبعدها اسرائيل... وبعد مرور 24 ساعة من وقف اطلاق النار والتزام الطرفين بيه وعدم حدوث أي تصعيد جديد، هيبقى كده رسميًا الحرب دي انتهت خلاص.. وهيتبقى فقط آثارها اللي غيرت معادلة الردع في الشرق الأوسط للأبد...
الحمد لله ويا رب تكمل على خير... وبإذن الله خلال الساعات اللي جاية هنتابع مع بعض التغيرات الاقتصادية اللي هتحصل بعد انتهاء المعركة رسميًا... وربنا يحفظ أرواح اخواتنا جميعًا...
⚫️ هتلاقي تصريح ترامب على تروث سوشيال وترجمته الكاملة في أول كومنت 👇
🟣🟠🔵 تعديل: إيران بتقول انها مجالهاش أي خبر بخصوص وقف إطلاق النار وان دي أخبار كاذبة والعدو الصهيوني ما زال بيشن هجمات عليها، وانهم ما زالوا مستمرين في الردع.. ومحدش فاهم حاجة والله من المجانين دول!
غالبًا كده الطرفين هيستغلوا الكام ساعة اللي جايين قبل ما الاتفاق يدخل حيز التنفيذ في ضرب بعض أقوى ضربات ممكن لتحقيق اقوى مكاسب ممكنة قبل نهاية الحرب. والله أعلم.
🟢 تعديل تاني: خلاص إيران أعلنت موافقتها على اقتراح وقف إطلاق النار رسميًا.. شوف تاني كومنت 👇
تم الاتفاق بشكل كامل بين إسرائيل وإيران على وقف إطلاق نار كامل وشامل (في غضون 6 ساعات تقريبًا من الآن).
وعند هذه النقطة ستُعتبر الحرب منتهية! رسميًا، اذ تبدأ إيران وقف إطلاق النار بعد 6 ساعات، وفي الساعة 12، تبدأ إسرائيل وقف إطلاق النار، وفي الساعة 24، سيُحيي العالم نهاية رسمية لحرب الـ 12 يومًا. وقال:
🌟 خلال كل وقف إطلاق نار، سيظل الجانب الآخر مسالمًا ومحترمًا. وبافتراض أن كل شيء يعمل كما ينبغي، وهذا ما سيحدث.
🌟 أود أن أهنئ كلا البلدين، إسرائيل وإيران، على امتلاكهما القدرة على التحمل والشجاعة والذكاء لإنهاء ما يجب أن يُطلق عليه "حرب الـ 12 يومًا". وقال:
🌟 هذه حربٌ كان من الممكن أن تستمر لسنوات، وأن تُدمّر الشرق الأوسط بأكمله، لكنها لم تفعل، ولن تفعل أبدًا! بارك الله في إسرائيل، وبارك الله في إيران، وبارك الله في الشرق الأوسط، وبارك الله في الولايات المتحدة الأمريكية، وبارك الله في العالم.