عارف يعني إيه تكتب فيلم بيقولك بوضوح إن الغيب يعلمه بشر !
عارف يعني إيه تكتب فيلم بيقولك بكل صراحة إن مش مهم إنك تصلي وتصوم وتبقى قريب من ربنا بس يكفيك إنك تروح تتمسح في أضرحة وتدعي من دون الله وتطلب الشفاعة والمدد من أموات !
عارف يعني إيه تكتب فيلم بيقولك إن الأولياء متصلين مع الله وما يُطلب منهم يخبرون الله به فيتحقق ؟
عارف يعني تعمل فيلم تروج فيه للشرك بالله بمنتهى السهولة وفي الخلفية موسيقى تصويرية ؟
عارف يعني إيه الفيلم ده يتصرف عليه ملايين ويتصور ينزل سيمنا في مواسم للمصريين ؟
أكيد بعد كل ده مش محتاج تعرف مين كاتب الفيلم " إبراهيم عيسى "
صاحب المقام ( فيلم باختصار شديد بيقولك إن طلب الشفاعة من الأموات ومن البشر طريق لحل المشاكل , وده شيئ أهم من الصلاة وتوحيد الله عزوجل , فيلم بيقولك إن الشرك بالله في التوحيد والعبادة وطلب العون والشفاء والتذلل للبشر الأموات شيئ عادي ومش حاجة ممكن تخرجك من ملة الإسلام ) .
مش هنتكلم عن ضعف الفيلم درامياً
ولا هنتكلم إن الفكرة مسروقة
ولا هنتكلم شغل الحوارات بتاعة روح هي عفريت ولا شخص حقيقي
ولا عاملة أمن ولا دكتورة ولا ممرضة ولا بتحضر حضرة الزار ولا ايه بالضبط !
وطبعا في النهاية مش مهم مين أنا المهم لماذا أنا ؟
ايه شغل الهروب ده ! وكل الناس متقبلة الموضوع عادي !
ولا هنتكلم عن ابراهيم عيسى هل هو مع المنطق اللي قدمه في فيلم " الضيف 2019 "
ولا مع مع فكرة التصوف والدروشة وإحياء فكرة زيارة القبور وأن الأولياء يشتركون مع الله في الخلق والتدبير ؟
ابراهيم عيسى عايز يوصلنا إيه من الفيلم غير أنه مثل الأفاعي يدس السم للعسل ويحاول تشويه الدين تارة وينكر السنة ويطعن في البخاري تارة وتارة يتكلم بالمنطق ليهاجم فكرة الخرافة وتارة يروج للشرك والعياذ بالله !
ياريت الناس تنتبه جيداً لما يسمى فن اليومين دول لحسن إحنا وصلنا لمرحلة صعبة جدا , ربنا يرحمنا .
تعليقات
إرسال تعليق