من #يومين مصرع طالب 14 عاما واصابة شقيقه 12 عاما بسبب مشاجرة بينهما وبين آخر بسبب لعب الكره بمركز الوقف
والأمن يضبط المتهم بالواقعة 13 عاماً واقعة #الوقف بـ قنا ارثة مينفعش تعدي زي أي جريمة دي لازم نقف عندها 🤚
متخيلين المتهم 13 سنه لقي مجموعة بيلعبوا كورة وهو مكنش معاهم أصلا بس شافهم مكشرين .. وليه يكشروا ف وشه بقا!!
فشد معاهم وتوعد ليهم عارفين شغل التناحه طبعاً ... تاني يوم يقوم يروحلهم تاني وهما ميعرفهوش أصلا مين
ويشد تاني معاهم ويطلع مطوه يضرب بيها الواد الشباب كريم فأخوه يشوفه يصرخ يجري عليه ويشد مع المتهم
يقوم مطلع المطوه تاني ويضرب كريم اتوفى ف الحال أحمد طالب ثانوي عام
راح ضحية البلـطجة وقلة التربية 🤚 المتهم وهو في السن دا ليه مشاكل سابقه
وبردو ماشي رايح جاي بمطوه لأ وليه صور ع الفيس وهو ماسك المطوه فين الأسرة من الكلام دا .. لأ كمان بعد ارتكاب الجريمة كان بيخطط يهرب.
حق اللي راح دا فين كل أسرة تحط نفسها مكان أسرة أحمد اللي راح ضحية البلطجة بدون أي ذنب 😡🤚
الشباب في السن ده بيتفرج على مسلسلات البلطجه وبيقلد
والمؤسف إنه المتهم حدث وقانون الحدث أقصى عقوبة 15 سنة القانون فعلا محتاج تغيير، والوقائع اللي زي دي بتزيد للصغار أكتر من الكبار لازم القانون يتغير فعلاً ✋.
رسالة إلى كل أب وأم:
"كلكم راعٍ وكلكم مسؤول عن رعيته"
ازرعوا في أبنائكم القيم والأخلاق منذ الصغر، تابعوا سلوكهم، تعرفوا على أصدقائهم، أبعدوهم عن رفقاء السوء، بالحوار لا بالإجبار،
بالحب لا بالخوف.
كل القلوب مع أسرة الفقيد وربنا يرحمه ويُلهم أهله وذويه الصبر والسلوان، وأن يحفظ أبناءنا وبناتنا من كل سوء.