فضيحة مسابقة شركة مياه سوهاج ولا فضيحة لافون
السيد رئيس جمهورية مصر العربية
السيد معالى رئيس الوزراء
السيد وزير العمل
السيد محافظ سوهاج
بإختصار شديد النهاردة حصلت فضيحة فى نتيجة شركة مياه الشرب والصرف الصحى بسوهاج واللى كان ضحاياها الشباب أصحاب الخبرات
👈لصالح مين بقى؟
دا اللى الشركة ملزمة تجاوب عنه
⬅️وقبل كل شئ قدمنا فى وظيفة أخصائى السلامة والصحة المهنية دخلنا الامتحانات النظرية فى الجامعة وتخطناها وبعدين يوم العملى اتقالنا بالنص ترتيبكم طبقا لدرجات الجامعة وطبعا كنت أنا الاول وبعد ك/ رندا وبعدى ك/مصطفى رافت وبعده ك/ اسلام رأفت وهكذا فى الترتيب
علشان لما نيجى يوم المقابلة الشخصية نفاجئ أن الترتيب مختلف وفى ناس مكنتش عارفة تتكلم فى العملى قبلنا فى الكشوفات يوم المقابلة ..... مفيش مشكلة ننتظر
طلعنا فى قاعة الانتظار لقينا كشف بترتيب تانى .... مفيش مشكلة برضو .... وقفت واحدة على الباب ندهت على كشف اسماء برضو الترتيب مختلف علما بأن الترتيب الأول والثانى بيختلف بين اتنين برضو مفيش مشكلة
وبعد انتظار دخلنا الساعة ستة إلا خمسة واحنا اساسا موعدنا أربعة عصرا... خلاص بقى هنقول كلمتنا وكل واحد يتكلم عن مهارات وخبراته العملية
وكانت اللجنة متكونة من ثلاث رؤساء شركات مياه أنا مش هسمى منه غير السيد العضو المنتدب المحترم رئيس شركة مياه سوهاج وآخرين
وبمنتهى القرف
قال م / محمد صلاح
نصا "أنا سمعت كتير النهاردة اللى عنده خبرة يتكلم واللى معندوش يسكت"
⬅️الاول متكلمش إطلاقا معندوش خبرة بقى هيتكلم يقول إيه...
والسيد العضو المنتدب بنفسه منع الثانى من الكلام .... عندك خبرة لا اللى بعده
ثم اتكلم ك/ مصطفى رأفت (خبرة خمس سنوات بشركة ببسكو
ومعه شهادة الأوشا وعدد من الكورسات )
وتجاوزنا ك / إسالم رأفت لم يسمح له بالكلام
ثم أتى الدور علي أنا
ك/ أحمد ظريف وبدأت بالتحدث فما كان من المهندس إلا أنه قطع كلامى ولم يسمح لى حتى بأى كلمات علما بأنه قد عمل
كأخصائى سلامة وصحة مهنية بمنشأة غير صناعية وخبرة في الأسعافات الأولية ولدي شهادات بذلك وعلى ما يبدو أن السيد العضو المنتدب لا يعرف القوانين جيدا اللى بتنظم العمل فى الدولة
وهو ما حاولت شرحه له لكن هيهات فقد أصر على منع الكلام ثم جاء من بعده ولم ينبث بأى كلمة سوى أنه حصل
على تدريب بمحطة مياه إحدى القرى علما بأننا كلنا قد حصلنا على هذا التدريب في محطة مياه طهطا المرشحة ومضى إلى من
يليه ثم ك/ راند أحمد ولديها شهادة أخصائى سلامة وصحة مهنية وكان مصيرها مصيرى بالضبط فلم يسمح لها بالكلام وك / محمدالطاهر ولم
يسمح له بالكلام
قولنا بس يا ولاد الراجل دا مش هياخد غير الخبرة وخرجنا نهنى أخينا مصطفى رأفت على القبول واليوم وبعد ظهور النتيجة نتفاجئ جميعا أن احنا اتكتبلنا عفوا .... لم يتم استدعاءك.... يعنى أنتم ساقطين بشياكة
يا سيادة العضو المنتدب طالما القرية اللى انت معين منها الناس دى مريحاك قوى بالطريقة دى خلاص ليه تحمل الدولة مصاريف وبدل انتقالات لاتنين رؤساء شركة مياه لمحافظات أخرى؟
كنت لغيت المقابلة وخزانة الدولة أولى بيها
يا سيادة مدير شركة المياه انت بناءاً على أى أساسا ما اخدتش واحد معاه الأوشا غير الكورسات وآخد واحد لسا أبيض ؟
يا سيادة العضو المنتدب ازاى سايب ناس باحثين فى الموارد الطبيعية ومتستفدش منهم وحضرتك عارف قد إيه مصر بتعانى من العجز المائى؟
حضرتك هتقولى أصلى دى احتياجاتى هقولك لا دى مش احتياجاتك حضرتك مش منزل ناس تفتش وتعرف احتياجاتك
محطة مياه طهطا المرشحة مستحيل يشغلها أقل من ٢٢٠ موظف لو أنت شغلتها بأقل من كده يبقى أنت بتجور على العمال والموظفين ولو العدد اكتر من 200 يبقى لازم يمسكه اخصائي سلامة وصحة مهنية مش فنى!!!!
ولا يا ترى جهينة أهل القرية إياها خلصوا فخلاص مينفعش تاخد من باقى طهطا زى ما عملت مع السواقين ؟
طيب فرع المياه عندك فيه كام موظف بالعمال وغيرهم
طيب فرع الصرف الصحي فيه كام موظف وأديك شايف الكوارث اللى بتحصل نتيجة إهمال السلامة والصحة المهنية
طيب أيهما متخصص أكتر الأخصائى ولا الفنى
طيب جهينة يا ترى فرع المياه والصرف مين ماسكهم سلامة وصحة مهنية؟
هو ليه خريجين كليات العلوم رخاص قوى للدرجة دى بالنسبالك زى أرواح العمالة اللى شغالة معاك ومخلياك تستخصر تشغل أخصائين متخصصين بيعملوا تقييم مخاطر للعمال ويلحقوا يحلوا الأزمات
..... دا انت بنفسك كده مخالف للقانون رقم 134 لسنة 2003
او اللى شغالين مع حضرتك مش فاهمين القانون
معلش العيب مش عليك العيب على مكاتب العمل بالمدن اللى سايبة الموظفين ومش مهتمة بيهم
مهى لو بتفتش وعارفة القوى الإجمالية المفروض تبقى كام مكنش الحال بقى كده
👈اللى حصل فى المسابقة دى من اول "أنا سمعت كتير النهاردة اللى عنده خبرة يتكلم واللى معندوش يسكت" مرورا بطريقة الاختيارات بالنسبة لوظيفة اخصائي سلامة وصحة مهنية بالذات اللى واضحة جدا أنه يشوبها فساد من عدة أشكال بناءاً على جملة السيد العضو المنتدب لغاية الاهمال فى النظر الفعلى لعدد احتياجات أخصائين السلامة والصحة المهنية بالشركة محتاج وقفة
وقفة ضد الظلم وأتحدى أى حد من اللى كانوا فى المقابلة معايا ينكر الكلام اللى حصل
ولو نكرتى يا شركة المياه بالأوراق أنكرى لأن كده كده الورق ورقكم
فربنا شايف وعارف الظلم البين
والكلام دا للناس
شيروا البوست وعرفوا كل الشباب إن أحلامك وطموحاتك الوظيفة والعلمية لازم تتحطم على إيد شركة المياه والمسئولين بيها
شيروا
وحسبى الله ونعم الوكيل