ركز معايا علشان كالعادة بإذن الله اللي هتقرأه هنا مش هتشوفه في مكان تاني وهتفهم كل شيء ..
اللي حصل ان كان في وفد رسمي ليبي يتكون من رئيس أركان الجيش الليبي وبعض القادة العسكريين رايحين زيارة استراتيجية لأنقرة في تركيا ..
واللي ميعرفش يعني ايه رئيس اركان .. فيكفي اقولك ان رئيس الاركان أقوى ووظيفته حساسة أكتر من وزير الدفاع نفسه .. لان مبدئيًا كدا لا يتم تسيير الجيش لاي حـرب الا باستشارة وموافقة رئيس الاركان ..
المهم ان الزيارة خلصت وخلاص رئيس الاركان الليبي والقيادات اللي معاه ركبوا طائرتهم وراجعين على طرابلس بليبيا ..
وهنا كانت اول حاجة غريبة .. الطائرة اللي راجعين بيها كانت طاىرة من طراز ( FALCON 50 ) ودي طائرة مدنية خاصة برجال الأعمال .. التساؤل الاول هنا :
ليه وفد كله قيادات عسكرية يركب طائرة مدنية قديمة زي دي ؟!
( فالكون 50) هي اول طائرة خاصة برجال الاعمال ومن انتاج سنة ١٩٧٠ .. فـ ليه وفد رفيع المستوى زي دا توصله بلده بطيارة قديمة نسبيًا زي دي ؟!
نكمل مع بعض ..
الطائرة أقلعت من مطار أنقرة وفضلت ماشية حوالي ٤٠ دقيقة .. وهووووب تم فقد الاتصال بالطائرة تمامًا .. وبعد ال ٤٠ دقيقة دول رصدوا نداء استغاثة من الطيار وكان بيقول انه عاوز يهبط هبوط اضطراري لعطل فني بالطائرة ..
علشان بعدها بدقائق بعض شهود العيان يشوفوا انفجار في السماء جنوب أنقرة ثم سقوط الطائرة ..
طيب هي الطائرة ليه انفجـ.ـرت في السماء ؟! وهي لسه لم تصطدم بشيء ؟!
بلااااااش دي ..
تعالى بقى للتصريحات الرسمية اللي متدخلش عقل طفـ.ـل رضيـع دي ..
الطائرة سقطت جنوب أنقرة في منطقة اسمها " هايمانا " .. تعرف يا صديقي منطقة " هايمانا " دي بتبعد عن أنقرة بمسافة قد ايه ؟!
بمسافة من ( ٤٠ : ٥٠ ) كيلو متر ..
تعالى بقى نرجع لايام الرياضيات تاني ..
سرعة طائرة FALCON 50 القصوى 870 كيلو متر في الساعة ..
هنقول ان الطيارة كانت ماشية بسرعة معتدلة يعني قول 600 كيلو متر في الساعة ..
فلو جينا نحسب ال ٤٠ دقيقة اللي الطائرة مشيت فيهم عادي قبل ما الاتصال ينقطع بينها وبين ابراج المراقبة .. فالمفروض تكون الطائرة مشيت حوالي ٤٠٠ كيلو متر
ازاي بقى بعد ٤٠ دقيقة الطيارة فضلت فيهم في الجو، تسقط في مكان على بعد ٥٠ كيلو متر بس ؟!
يعني المفروض الطائرة تكون طارت ٨ اضعاف المسافة اللي هي مشيتها دي ..
بمعنى اصح علشان ابسطهالك .. سرعة الطائرة المتوسطة ع الهادي خالص المفروض تطير ال ٥٠ كيلو دول اللي بين انقرة والمنطقة اللي سقطت فيها في ٥ دقائق فقط .. ازاي بقى مر ٤٠ دقيقة والطائرة كانت طارت مسافة ٥٠ كيلو فقط ؟!
ايه ؟! كانت بتتدنجل ؟! اصلها مش هليكوبتر بتقف في الجو يعني ؟! ولا فضلت تروح وتيجي في نفس المكان !!
دي لو عربية “ FIAT 132 “ حرفيًا هتكون اسرع من كدا ؟!
الموضوع غريب ومحتاج اجابة ..
هتقولي انت تقصد يا عم هالووين ان الطائرة وقعت بفعل فاعل ؟!
هقولك انا لا افترض شيء يا صديقي .. انا بقولك ان بالفعل في شيء غريب في الموضوع ..
طيب تاخد الاغرب ؟! تعرف ان الطائرة دي كانت مُستأجرة ؟! يعني لا طائرة عسكرية ولا طائرة رئاسية حتى .. طيب بزمتكم دا كلام ؟!
وفد فيه كبار قيادات الجيش الليبي يروح بلده بطائرة بالشكل دا ؟!
هتقولي طيب وليه هيتم اغتيـ.ـال القيادات دي يا عم هالووين ؟!
هقولك الله اعلم يا صديقي .. لكن لو جيت تبص على الحدث بمنظور أعمّ وأشمل هتلاقي ان توقيت الحادث دا حساس جدًا ..
الحادث جاي بعد اجتماعات عسكرية رفيعة المستوى في أنقرة .. والحدث الأبرز في الاجتماعات دي هو تمديد الوجود العسكري التركي في ليبي !!
يعني كانوا بيناقشوا هل القوات التركية في ليبيا تفضل زي ما هي ولا تغادر ليبيا وترجع ثكناتها بتركيا ؟!
والمعروف عن رئيس الاركان انه كان رافض استمرار التدخل التركي في ليبيا .. فـ شوف انت بقى !!!
هل دي مصادفة يا صديقي ؟!
الله أعلم .. لو حابين مقال تاني مفصل اكتر عن الاسباب والوقائع الغريبة في الحادث دا، بلغوني في كومنت .. ولو حابين ارجع للمتابعات السياسية بردو بلغوني
وياريت منبخلش بشير ولايك للمقال يا صديقي تقديرًا للمجهود مش اكتر 🌹
عينكم دائمًا على الحقيقة .. " هالووين