♦حبوب الغلة دي مبيد حشري موجود في شكل أقراص، الناس بتسخدمه عشان يحمي الغلة " القمح" من التسوس
♦الحبوب دي بتدخل مصر بشكل رسمي كمبيد حشري مصرح بيه . وعندنا في مصر بيعتمدوا عليه في حفظ الغلة عشان رخيص " تمن القرص جنيه واحد "
♦ الحبوب دي بتتباع ف منافذ بيع المبيدات الحشرية وسهل الحصول عليها " تمن القرص جنيه زي ماقلنا " ومفيش أي محاذير من استخدامها عندنا مع إنه مكتوب عليها عبارة
" شديد السمية "
♦ طيب هي إيه مشكلة حبة الغلة دي ؟!
حبة الغلة دي بتطلع غاز اسمه " غاز الفوسفين " وده غاز شديد السمية ٥٠٠ مجم منه كفيلة إنها تقتل إنسان ،
وخد بالك إن القرص الواحد ٣ جم بيطلع" ١ جرام " من غاز الفوسفين يعني نص قرص كافي جدا إنه يموت إنسان
مجرد دخول حبوب الغلة دي المعدة بتتفاعل مع الميه أو عصارة المعدة حتي بسرعة وتطلع ف الجسم غاز الفوسفين شديد السمية اللي بيعمل :
- تلف في المعدة و كل أجهزة الجسم
- انخفاض ضغط الدم
- الصدمة وخفقان بالقلب
- ارتفاع في السكر
- انهيار القلب والأوعية الدموية
- ضيق التنفس الحاد
والفشل الكلوى وغيرها من الأعراض الحادة
⬅ واحنا عندنا مشكلتين مهمين:
الاولي: إنه مالوش إعراض سريرة واضحة فلو الشخص ده ماقلش إنه واخد حبة غلة أو اتعامل معاها ممكن يتأخر التشخيص
التانية : والأسوء إنه مالوش مصل مضاد فالشخص اللي أخده ممكن يموت في لحظات أو وقت قصيرجدا للاسف
✒ لما تعرف إنه مثلا مركز سموم ف أحد المحافظات وصله ١٠٠ حالة تسمم بحبة الغلة اتنين بس اللي نجو منه هتعرف قد إيه خطورته
أغلب الحالات للأسف بتكون انتحار الشباب والبنات سقط بقي ف امتحان ، خطيبها سابها أي مشكلة وطبعا رخيص وسهل تجيبه فعينكم علي ولادكم ،ونتمني انه الناس تستخدم حاجات تانية غير حبة الغلة دي زي مادة الملاثيون ١ بالمائة أو ملاثيون ٥ بالمائة لو اضطرينا لمبيد حشري
🚫 عاوز اقولك مهم أوي إنك ماتشربش الشخص اللي اخد حبة الغلطة دي مية
أو تعمله غسيل معدة بمية أنت كده بتقتله لانك بتطلع غاز الفوسفين السام منها خليه يشرب زيت بيرافين أو زيت جوز هند لحد مايروح مركز السموم وهناك بيتعمل غسيل معدة مش المعتاد ، بيتعمل ب بيكربونات صوديوم وزيت بيرافين عشان يعملوا وسط بيمنع التفاعل ويمنع انتشار الغاز السام ده
♦امريكا من التسعينات بتعتبر غاز الفوسفين من الغازات السامة ومنعت استخدامه ، وكتير جدا من الدول العربية منعت استخدام حبوب الغلة كمبيد حشري بسبب ارتفاع نسبة الوفيات خاصة في الأطفال بسببها ، ونتمني ده يحصل ف مصر ويتمنع استخدامها
نبعد الحبوب دي تماما عن أي مكان الطفل ممكن يوصله
ربنا يحمي أهلينا وولادنا ويحفظهم من كل شر
إجراءات علاجية قد تساهم في الإنقاذ
- نقل المريض إلى أقرب مركز للسموم، وممنوع عمل غسيل معدة بمحلول ملح أو برمنجنات البوتاسيوم (ممنوع إدخال الماء إلى جوف المريض نهائيا).
- يعطى المريض زيت جوز الهند أو زيت البرافين (من 2 إلى 5 زجاجات زيت برافين للبلع إذا كان قادرا على البلع أو عبر الرايل إذا كان غير قادر على البلع)، ويبقى الزيت ببطن المريض، حيث يقوم الزيت لاحتواء الحبة والأهم أنه يحافظ على الرابطة بين الألومنيوم والزنك والفوسفات فيمنع تصاعد غاز الفوسفين المسبب لكل تعقيدات تلك الحبوب.
- يعطى النورادرينالين (بواسطة syringe pump بمعدل 5-20 مللي فى حالة هبوط الضغط وهو مفضل على الدوبامين لأن المريض لديه tacharrythmia).
- يعطى المرضى علاجات الأعراض فى صورة حقن مضادة للتقلصات وحقن لتقليل الامتصاص (رانى أو زانتاك) .
- يمكن وضع المرض على أكسجين لرفع الـ saturation والغسيل غاز الفوسفين.
- يتم تركيب أنبوبة حنجرية و قسطرة بولية عند الحاجة
تعليقات
إرسال تعليق