الدكتور يوسف بطرس غالي... طرح سندات دولية بضمان قناة السويس

  مش هيشوفوا النور تاني واللي باقي من عمرهم هيقضوه في السجن والعفو عنهم خط أحمر واللي ربنا بيحبه مش هيقابل عشماوي

👈الأول حازم صلاح أبوإسماعيل..

وده بقى السيسي عارف عمايله السودة من ساعة ما كان وزير دفاع.. وياما حرض عليه وعلى الجيش..

وأيامها "السيسي" قال للإخوان: "لموا حازم أبو إسماعيل وإلا هحبسه

 وأبو إسماعيل كان مرشد الجماعات اللي ظهرت بعد 30 يونيو والعيال بتوع "حازمون" هما اللي نفذوا معظم العمليات ضد الجيش والشرطة والمسيحيين

وعشان كدا ممنوع يخرج تاني حفاظا على أمن البلد

👈والتاني خيرت الشاطر نائب مرشد الإخوان اللي كان بيحكم مصر أيام محمد مرسي.. وكان ورا محاولات تفكيك الجيش والمخابرات

د غير إن فلوس الجماعة كلها معاه

و"الشاطر" هدد السيسي وجها لوجه وقاله: "هجبلك مقاتلين من كل مكان ومش هنسيبكم

ويومها "السيسي" خد قرار يقف مع الشعب ويخلص عليهم بأي تمن

ويدوب "مرسي" مشي من هنا و"الشاطر" اتجاب بالجلابية من بيته واتحط في السجن ومحدش يعرف عنه حاجة من ساعتها

👈وييجي بعده باسم عودة وزير التموين الإخواني

والسيسي حاول يديله فرصة يتوب بعد ثورة 30 يونيو وعرض عليه يفضل وزير ويخدم بلده لكنه رفض ونزل الشارع وشارك في عمليات كبيرة فاتقبض عليه وخد ييجي 50 سنة سجن

👈ووراه محمد البلتاجي وواخد حكم نهائي بالإعدام وفوقيه كام حكم بالسجن المؤبد

والدولة مش ناسية اللي كان عاوز يعمله لما حط خطة لتدمير الشرطة والمخابرات العامة. 

والإخوان كانوا بيجهزوه عشان يبقى مسئول عن الأجهزة الأمنية لولا ستر ربنا لما حصلت 30 يونيو واتقبض عليه بعدها وهو مستخبي في الجيزة

👈والمرشد محمد بديع عامل رقم قياسي في أحكام الإعدام اللي خدها والعفو عنه ممنوع تحت أي ظرف

ووضعه هيبقى زي المرشد مهدي عاكف  صاحب مقولة "طز في مصر" اللي اتوفى في السجن

👈ونفس الحكاية محمود عزت  أخطر إخواني في تاريخ مصر واللي فضل 7 سنين مستخبي ومحدش قادر يوصله لحد ما الأمن مسكه في عملية معقدة

وبعد القبض عليه الجماعة انهارت بشكل شبه كامل

👈أما بقى عبدالمنعم أبوالفتوح فوجوده برا السجن خطر جدا بسبب محاولاته لإحياء الجماعة من جديد 

والريس من بدري كان كاشف أبوالفتوح وعارف إنه "إخوان" حتى لو ساب التنظيم في فترة من الفترات.. وقال عنه بالصوت والصورة "إخواني متطرف".

👈وفي المركز التامن صفوت حجازي..

و"صفوت" بعد ما قال "اللي هيرش مرسي بالميه هنرشه بالدم" خلع من اعتصام رابعة وحلق دقنه وعمل دوجلاس لكن من حظه الأسود اتقبض عليه وهو بيحاول يهرب للسودان.

👈وأخطر واحد هو أسامة ياسين قائد الفرقة 95 إخوان.. وكان مسئول عن أعمال عنف كتير حصلت من ساعة أحداث 25 يناير لحد 30 يونيو.. 

وهو اللي كان بيدرب ميليشيات الإخوان وقت ما كان وزير الشباب والرياضة.

👈وأخيرا حسن مالك وزير مالية الإخوان وشريك خيرت الشاطر.. وبعد القبض عليه الدولة اتحفظت على 68 شركة من بتوعه وضاع جزء كبير من تمويل الجماعة.

وإنتم: يا ترى شايفين مين تاني يستحق مايخرجش من السجن

تعديل المقال