بقلم محمود حارس
📢 مطلب بسيط… لكنه حق لكل مواطن!
كل مرشح لازم يعرض خطته وبرنامجه الانتخابي قدام الناس إحنا مش هنختار بالكلام… هنختار بالفعل والرؤية.
الناس من حقها تعرف:
▪️ ناوي تعمل إيه؟
▪️ إيه أولوياتك؟
▪️ وإزاي هتحققها؟
الكرسي مش وجاهة… الكرسي مسؤولية!
عايزين نعرف مين الأصلح… ومين الأحق!
#جرجا_والعسيرات
#صوتك_أمانة
#اعرض_برنامجك
#مش_هنختار_عمياني
#اللي_يستحق_هو_اللي_يبن
💔 جرجا والعسيرات… إيد واحدة… بس لسه الحلم ناقص!
في ناس اتعلّمت تصبر…
وفي ناس بطّلت تحلم!
بقينا نعدّي على مستشفى بقالها 9 سنين ولسه ما خلصتش…
نمشي في طرق تكسر الضهر والعربية…
نشتكي من قلة الخدمة وقلة الحيلة، ومحدش بيسمع.
إحنا مش طالبين كتير…
طالبين بس حد يحس بينا، حد يبني مش يهدم، حد ما يقفلش بابه ف وش الناس بعد ما يكسب.
مش عايزين مرشح بالبدلة والكلام الحلو… عايزين إنسان بالضمير الحيّ والقلب اللي شايل وجعنا كفاية فنكوش!
كفاية وعود كدابة وأحلام بتتباع علينا قبل كل انتخابات!
كفاية تمثيل… كفاية مجاملات!
ابن جرجا هو ابن العسيرات، وابن العسيرات هو ابن جرجا…
الوجع واحد، والمطلب واحد، والحق واحد…
والكرسي مش سبوبة… الكرسي أمانة!
🗣️ متخافش تقول رأيك
✋ متبعش صوتك
🔍 دور على الأصلح… مش الأشطر في الكلام
📢 قولها من قلبك:
لا للضحك ع الناس، لا للي بيبيع الوهم، لا للفنكوش!
عايزين اللي يحس بينا… مش اللي يتصوّر معانا!
عايزين مستقبل… مش مسرحية كل 5 سنين!
#جرجا_والعسيرات
#إيد_واحدة
#عايزين_حقنا
#مفيش_فنكوش
#صوتك_أمانة
#نحو_مستقبل_أحسن