صدمة جديدة هزّت نجع سرور النهارده الظهر .. بعد ما اتعرض اتنين من مدرسي مدرسة نجع سرور الابتدائية لاعتداء سافر ومهين من شابين متهورين، والكارثة إن ده حصل قدام الناس وكلهم واقفين يتفرجوا وكأنهم بيتفرجوا على فيلم أكشن
القصة بدأت بعد انتهاء اليوم الدراسي.. المدرسين كانوا ماشيين في أمان، وفجأة ظهر شابين على موتوسيكل عند بتاع الفول بجوار المكبس، دخلوا فيهم بالعمد ونزلوا مخصوص عشان يفتعلوا خناقة معاهم.
ليه؟
لأن أحد المدرسين كان راسب ولادهم "الفاشلين" في مادته وبعد ما الإدارة التعليمية نفسها راجعت الكشوف وأكدت إن الراجل صح وغش ما فيش.. قرروا ينتقموا منه!!
الاعتداء كان بشع:
▪️ شدوا نظارة المعلم من وشه وطاقيته من فوق راسه.
▪️ حدفوا المدرس التاني على الأرض.
▪️ حاولوا يستخدموا أنبوبة بوتاجاز من عند بتاع الفول لضربهم .
▪️ وخطفوا موبايل المعلم لما حاول يصور.
▪️ ولما قال لهم: "إحنا معلمين" ردوا عليه بسخرية: "مدرسين مش مباحث"
والأغرب والأبشع.. إن أهل الخلافية اتجمعوا كلهم يتفرجوا ويشمتوا وماحدش فكر يدخل يمنع البلطجة على المعلمين
المدرسين اتصلوا بالنجدة، لكن للأسف محدش جه.. والمكالمة مسجلة ولسه موجودة
وفي النهاية راحوا يشتكوا عند عمدة البلد، واللي وعد إنه هياخد حقهم ويرد اعتبارهم من البلطجية وأهاليهم